"Barselona" klubunun kapitanı Serxi Roberto Səudiyyə Ərəbistanından təklif alıb.

"Operativ Məlumat Mərkəzi-OMM" xarici KİV-ə istinadən xəbər verir ki, ispaniyalı bu təklifi rədd edib.

Mövsümün sonunda Robertoun "Barselona" ilə müqaviləsi bitir, lakin futbolçu müqaviləni uzatmaq və ən azı 1 il Kataloniya klubunda qalmaq istəyir.

Daha əvvəl bildirilirdi ki, yayda Roberto MLS-ə keçə və "İnter Mayami" ilə müqavilə imzalaya bilər. Bu klubda "Barselona"nın 4 keçmiş oyunçusu – Lionel Messi, Luis Suarez, Serxio Buskets və Jordi Alba çıxış edirlər.

UEFA 2023-2024-cü illər mövsümündə avrokubokların final oyunlarına hakim təyinatlarını açıqlayıb.

"Operativ Məlumat Mərkəzi-OMM" qurumun rəsmi saytına istinadən xəbər verir ki, Çempionlar Liqasında İspaniyanın “Real Madrid” və Almaniyanın “Borussiya Dortmund” komandaları arasında keçiriləcək həlledici matçı (1 iyun) sloveniyalı referi Slavko Vinçiç idarə edəcək.

Qadın futbolçular arasında qitənin bir nömrəli klub turnirinin finalı (25 may) ingiltərəli Rebekka Uelşə tapşırılıb. O, İspaniya “Barselona”sının Fransa “Lion”u ilə duelində ədaləti qoruyacaq.

Avropa Liqasında İtaliya “Atalanta”sı ilə Almaniya “Bayer”inin görüşünün (22 may) baş hakimi rumıniyalı İştvan Kovaç olacaq.

Konfrans Liqasında Yunanıstanın “Olimpiakos” və İtaliyanın “Fiorentina” komandaları arasında reallaşacaq qarşılaşma (29 may) isə portuqaliyalı hakim Artur Soareş Diaşa həvalə olunub.

Futbol üzrə Azərbaycan Premyer Liqasında 2023-2024-cü illər mövsümünün sonuncu - XXXVI turunun oyun cədvəli açıqlanıb.

"Operativ Məlumat Mərkəzi-OMM" Peşəkar Futbol Liqasının rəsmi saytına istinadən xəbər verir ki, iki günü əhatə edəcək qarşılaşmalar mayın 25-26-da keçiriləcək.

Azərbaycan Premyer Liqası

XXXVI tur

25 may (şənbə)

19:00. “Zirə” – “Səbail”

Zirə İdman Kompleksinin stadionu

19:00. “Neftçi” – “Sabah”

“Neftçi Arena”

19:00. “Sumqayıt” – “Qəbələ”

Mehdi Hüseynzadə adına Sumqayıt şəhər stadionu

26 may (bazar)

17:00. “Turan Tovuz” – “Kəpəz”

Tovuz şəhər stadionu

19:30. “Araz-Naxçıvan” – “Qarabağ”

“Azersun Arena”

Qeyd edək ki, Azərbaycan Kubokunun final oyunu ilə bağlı “Liv Bona Dea Arena”da aparılan işlər və ölkə çempionatında mövsümünün mükafatlandırma mərasimi ilə bağlı XXXVI turun “Araz Naxçıvan” - “Qarabağ” oyunu “Azersun Arena”da reallaşacaq.

Azərbaycan Premyer Liqasında XXXIV turun daha bir görüşü keçirilib.

"Operativ Məlumat Mərkəzi-OMM" xəbər verir ki, günün ikinci matçında "Zirə" "Qarabağ"ı qəbul edib.

Zirə Olimpiya Komleksinin stadionunda baş tutan matçda qonaqlar minimal hesabla qalib gəliblər - 1:0.

Yeganə qolu 34-cü dəqiqədə penaltidən Olavio Juninyo vurub. "Qarabağ" 79 xalla birinci, "Zirə" 52 xalla üçüncü pillədə qərarlaşıb.

Günün ilk oyununda "Turan Tovuz" səfərdə "Araz-Naxçıvan"ı (1:0) məğlub edib. Dünən isə turun açılış matçında "Neftçi" 5:1 hesabı ilə "Kəpəz"ə qalib gəlib.

Qeyd edək ki, turun son iki görüşü mayın 12-də keçiriləcək.

Bu gün Azərbaycan Premyer Liqasında XXXIV turun növbəti oyunları keçiriləcək.

"Operativ Məlumat Mərkəzi-OMM" xəbər verir ki, günün ilk matçında “Araz-Naxçıvan” doğma meydanda “Turan Tovuz”la qarşılaşacaq. "Liv Bona Dea Arena"da oynanılacaq görüş saat 17:00-da başlayacaq.

Hazırda Naxçıvan təmsilçisi 35 xalla doqquzuncu, “Turan Tovuz” isə 42 xalla yeddinci pillədə qərarlaşıb.

Günün ikinci oyununda “Zirə” və “Qarabağ” komandaları üz-üzə gələcəklər. Zirə Olimpiya İdman Kompleksinin stadionunda baş tutacaq oyun saat 19:30-da start götürəcək.

“Zirə” 52 xalla üçüncü, “Qarabağ” isə 76 xalla birinci yerdədir.

Qeyd edək ki, tura mayın 12-də keçiriləcək 2 görüşlə yekun vurulacaq.

Fransanın PSJ klubu baş məşqçisi Luis Enrike ilə bağlı qərar qəbul edib.

"Operativ Məlumat Mərkəzi-OMM" ESPN-ə istinadən xəbər verir ki, 54 yaşlı mütəxəssis növbəti mövsüm Paris təmsilçisindəki fəaliyyətini davam etdirəcək.

Rəhbərlik Enrikenin işindən razıdır və onun çox nailiyyətlər əldə edə biləcəyinə inanır.

Qeyd edək ki, PSJ UEFA Çempionlar Liqasının yarımfinal mərhələsinin hər iki oyununda Almaniyanın "Borussiya" (Dortmund) klubuna 0:1 hesabı ilə uduzub.