“Mənə elə gəlir ki, Bakı şəhərində nəqliyyat və yol problemi yoxdur. Paytaxtda "butulka effekti" yaradan dar boğazlar problemi var. Bu ünvanları hamı bilir. 20 Yanvar dairəsində, Babək prospektindən Heydər Əliyev prospektinə dönən yolun kəsişməsində və Koroğlu körpüsünün ətrafındadır”.
"Operativ Məlumat Mərkəzi-OMM" xəbər verir ki, bunu Milli Məclisin payız sessiyasının ilk plenar iclasında çıxışı zamanı deputat Hikmət Babaoğludeyib.
Deputat əlavə edib ki, bu dar boğazların nizamlanması üçün xüsusi ekspertlərin dəvət olunması və keçidlərin işlək vəziyyətə gətirilməsi problemi həll edə bilər:
“Əslində şəhərimizdə tıxac problemi təqdim olunan qədər faciəvi deyil. Həmçinin, biz yeni qanun layihəsi qəbul etməliyik. Yol nəqliyyatının, infrastrukturunun idarəolunmasında iştirak edən müəssisələrin, dövlət qurumlarının fəaliyyətinin koordinasiya edilməsi və onların səlahiyyətlərinin müəyyənləşdirilməsi çox vacibdir”, – Hikmət Babaoğlu bildirib.
Aidə Qurbanlı
