Həftəsonu Bakıda və Abşeron yarımadasında, eyni zamanda bəzi bölgələrdə gözlənilən kəskin hava şəraiti ilə bağlı rəsmi sarı xəbərdarlıq verilib.
Bu barədə "Operativ Məlumat Mərkəzi-OMM"-ə Milli Hidrometeorologiya Xidmətindən məlumat daxil olub.
Məlumata görə, bu gün və sabah Bakıda və Abşeron yarımadasında, həmçinin Kəlbəcər, Zəngilan, Daşkəsən, Goranboy, Mingəçevir, Qobustan, Siyəzən, Qusar, Neftçala, Biləsuvar, Salyan, Füzuli, Beyləqan, Cəlilabad, Lerik və Yardımlıda hava şəraiti dəyişəcək.
Həmin ərazilərdə sarı xəbərdarlığa uyğun olaraq güclü qərb küləyi əsəcək. Küləyin sürətinin 13.9-20.7 m/san təşkil edəcəyi proqnozlaşdırılır.
