Azərbaycan millisinin sabiq hücumçusu Rüfət Dadaşovun çıxış etdiyi “Dinamo” (Berlin) Almaniyanın Şimal-Şərq Regional Liqasında növbəti oyununu keçirib.
"Operativ Məlumat Mərkəzi-OMM" xəbər verir ki, paytaxt təmsilçisi çempionatın 9-cu turunda “Kamnitser”lə qarşılaşıb.
“Dinamo” səfərdə baş tutan bu matçdan qələbə ilə ayrılıb – 4:0. Meydana start heyətində çıxan Dadaşov 80-ci dəqiqədə əvəzlənib. Komandasının 3 qolunu da Rüfət vurub. O, 6, 45+3 və 76-cı dəqiqələrdə fərqlənib.
“Dinamo” hazırda 18 xalla 3-cü pillədə qərarlaşıb.
