09-11 iyul tarixlərində Azərbaycan nümayəndə heyəti kritik informasiya infrastrukturunun kibertəhlükəsizliyi və kriptoqrafiyanın inkişafı mövzularında qardaş Türkiyənin sahə üzrə aparıcı dövlət qurumları, qabaqcıl elmi tədqiqat və ali təhsil müəssisləri ilə önəmli görüşlər keçirmişdir.

"Operativ Məlumat Mərkəzi-OMM" xəbər verir ki, sözügedən görüşdə Dövlət Təhlükəsizliyi Xidmətinin Heydər Əliyev adına Akademiyasının rəisi Elşad Nəsirov və Kibertəhlükəsizlik Əməliyyatları Mərkəzinin rəisi Davud Rüstəmov da iştirak etmişdir.

Səfər zamanı Türkiye Siber Güvenlik Kümelenmesinin (TSGK) Genel Koordinatörü Alpaslan Kesici və TSGK-dən olan heyətlə Azərbaycan nümayəndə heyəti arasında kritik informasiya infrastrukturlarının kibertəhlükəsizliyi, həmçinin kiberməkanda texnoloji suverenliyin təmin olunması da daxil olmaqla bir çox strateji məsələlər müzakirə edilmişdir.

Daha sonra D.Rüstəmov və E.Nəsirovun Türkiyənin Sakarya Universitetinin (SAU) rektoru Prof. Dr. Hamza Al ilə görüşü zamanı müzakirə edilən məsələlər arasında kritik informasiya infrastrukturunun kibertəhlükəsizliyi sahəsində magistr, doktor və zəruri ixtisasartırma kurslarında kadr hazırlığı da müzakirə edilmişdir. Görüş zamanı Prof. Dr. İbrahim Özçelik tərəfindən SAU-da qurulmuş Türkiyənin ən böyük Kritik Altyapıların Ulusal Test Yatağı Merkezinin imkanları və real kiberhücum ssenariləri nümaiş etdirilmişdir.

SAU-nun sahə üzrə uzmanları ilə DTX-nin mütəxəssisləri arasında kritik infrastrukturlara yönəlmiş ən son kiberhücum ssenariləri və Türk dövlətlərinin kibertəhdidlərlə mübarizədə ortaq işbirliyi müzakirə edilmişdir. 

Daha bir önəmli görüş İstanbul Texniki Universitetində (İTU) baş tutmuşdur. Müzakirələrdə Azərbaycan Respublikasının informasiya təhlükəsizliyi və kibertəhlükəsizliyə dair 2023–2027-ci illər üçün Strategiyasında kriptoqrafiyanın inkişafına dair nəzərdə tutulmuş tədbirlərin icrası zamanı Türkiyə təcrübəsinin öyrənilməsinin xüsusi əhəmiyyəti vurğulanmışdır. Bu məqsədlə kriptoqrafiya sahəsində Türkiyənin tanınmış elm adamları ilə görüşlərin davamı olaraq, İTU-da önəmli görüşlər və zəruri müzakirələr aparılmışdır.

Görüş çərçivəsində İTU-da kompüter elmləri ixtisası üzrə təhsil alan Azərbaycanlı gənc tədqiqatçı və tələbələrlə də müvafiq söhbət aparılmış, onların uğurları və gələcək planları dinlənilmişdir.

Səfər tərəflərin kibertəhlükəsizlik sahəsində birgə addımlar atmaq və gələcəkdə daha sıx əməkdaşlıq həyata keçirmək istəyi ilə yekunlaşmışdır.

Böyük Britaniyanın xarici işlər naziri Devid Lemmi “Substack” onlayn platformasında Azərbaycanın Qarabağı erməni işğalından azad etməsini dəstəkləyib.

"Operativ Məlumat Mərkəzi-OMM" bu barədə "Politico" nəşri "X" səhifəsində məlumat yayıb.

"Azərbaycan 1990-cı illərin əvvəllərində itirdiyi əraziləri azad edə bilib", - D.Lemmi vurğulayıb.

Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə sentyabrın 19-da Rusiyaya gedəcək.

Bu barədə "Operativ Məlumat Mərkəzi-OMM"-ə QMİ-nin Mətbuat Xidmətindən məlumat verilib.

Səfərdə məqsəd RF Müsəlmanları Ruhani İdarəsinin sədri Müfti Şeyx Ravil Qaynutdinin dəvəti ilə sentyabrın 21-də Moskva şəhərində keçiriləcək “Sülh yolu: dialoq harmoniyalı birgəyaşayışın əsası kimi” mövzusunda XX Beynəlxalq Müsəlman Forumunda iştirak etməkdir.

Budəfəki Forum Rusiya Müsəlmanları Ruhani İdarəsinin 30, Müfti Şeyx Ravil Qaynutdinin dini fəaliyyətinin 40 illiyinə həsr olunur.

QMİ sədri forumda məruzə ilə çıxış edəcəkr.

Moskvaya səfər çərçivəsində Şeyxülislam A. Paşazadə Moskva və bütün Rusiya Patriarxı Kiril tərəfindən qəbul ediləcək.

Azərbaycan Xarici İşlər Nazirliyi (XİN) Çilini Milli Günü münasibətilə təbrik edib.

"Operativ Məlumat Mərkəzi-OMM" xəbər verir ki, bu barədə XİN-in "X" hesabında paylaşım edilib.

"Çili və xalqını Milli Günü münasibətilə ürəkdən təbrik edir və ən xoş arzularımı bildiririk!", - məlumatda qeyd olunub.

Azərbaycanda akkreditə olunmuş diplomatlardan, o cümlədən hərbi attaşelərdən və beynəlxalq təşkilatların rəhbərlərindən ibarət nümayəndə heyəti Ağdərə rayonunun Suqovuşan kəndinə gəlib.

"Operativ Məlumat Mərkəzi-OMM" xəbər verir ki, səfərdə Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyevin müşayiəti ilə 20-si səfir olmaqla 60-dan çox diplomat iştirak edir.

Səfər zamanı diplomatlar və hərbi attaşelər Suqovuşanda həyata keçirilən bərpa və yenidənqurma layihələri ilə əyani tanış olmaq imkanı əldə ediblər.

Nümayəndə heyəti əsas infrastruktur obyektlərində, o cümlədən Suqovuşan və Sərsəng su anbarlarında, eləcə də işğaldan azad edilmiş ərazilərin iqtisadiyyatının bərpasında və enerji təminatında mühüm rol oynayan “Yuxarı Vəng” su elektrik stansiyasında olub.

Diplomatik korpus nümayəndələrinin səfəri həyata keçirilən işlərin miqyasını və regionun gələcək perspektivlərini, eləcə də işğaldan azad edilmiş torpaqların davamlı inkişafı və sülh yolu ilə inteqrasiyasının təmin edilməsi istiqamətində ölkəmizin səylərini qiymətləndirməyə imkan verib.

***

Azərbaycanda akkreditə olunmuş səfirliklərin, beynəlxalq təşkilatların rəhbər şəxslərinin və hərbi attaşelərin sentyabrın 18-də Kəlbəcərə səfəri başlayır.

"Operativ Məlumat Mərkəzi-OMM" xəbər verir ki, səfərdə nümayəndə heyətini Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev müşayiət edəcək.

Məlum olduğu kimi, Azərbaycan Prezidenti İlham Əliyev bu il sentyabrın 2-də Kəlbəcər rayonuna növbəti səfəri zamanı mühüm nəqliyyat və infrastruktur layihələrinin, Kəlbəcər şəhərində iaşə obyektlərinin açılış mərasimlərində iştirak edib. Bu səfər ali rəhbərliyin yüksək səviyyəli səfərinin izi ilə həyata keçiriləcək.

Xarici qonaqlar səfər zamanı Suqovuşan və Sərsəng su anbarlarını, “Yuxarı Vəng” Su Elektrik Stansiyasını, Kəlbəcər şəhərində yeni inşa olunan yaşayış binalarını, orta məktəb və “İstisu” mineral su zavodunu, həmçinin digər əraziləri ziyarət edəcəklər.

Qeyd edək ki, Azərbaycanın işğaldan azad olunan ərazilərinə diplomatik korpusun nümayəndələrinin səfərləri mütəmadi olaraq təşkil edilir və bu, ənənəvi qaydada həyata keçirilən səfərlərdən biridir.

Azərbaycanda akkreditə olunmuş diplomatik korpusların nümayəndələri ilə Kəlbəcər rayonuna səfər edən Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev sosial şəbəkədə bölgənin məruz qaldığı faciələrdən bəhs edərək diplomatların ziyarət edəcəyi istiqamətləri bildirib.

“"Operativ Məlumat Mərkəzi-OMM" xəbər verir ki, bu barədə Prezidentin köməkçisi sosial şəbəkədə yazıb.

“Biz diplomatik korpusla birlikdə Ermənistanın hərbi işğalının ön cəbhəsində olan Naftalandan Kəlbəcərə səfər edirik. Antiterror tədbirlərindən sonra dağlarla əhatə olunmuş Kəlbəcərə giriş Ağdərə bölgəsi vasitəsilə əhəmiyyətli dərəcədə yaxşılaşıb. Yolda Ermənistan tərəfindən uzun müddət hidroterrorizm və su məhrumiyyəti üçün istifadə olunan Sərsəng su anbarını, eləcə də yeni açılmış yaşayış binalarını, sənaye və mədəni-dini obyektləri və Prezident İlham Əliyevin son vaxtlar açdığı digər obyektləri ziyarət edəcəyik”.

Onun sözlərinə görə, “işğal zamanı və hətta Kəlbəcərdən çıxarkən mülki əmlak və mədəni abidələr dağıdılıb və talan edilib”:

“Sanki bu kifayət deyilmiş kimi, Ermənistan və onun Qərb institutlarındakı tərəfdarları, eləcə də pullu lobbiçilər utanmadan və ən kiçik günah hissi duymadan Azərbaycana qarşı əsassız və absurd ittihamlar irəli sürməyə davam edirlər. Biz riyakar bir dünyada yaşayırıq! Amma “Həqiqət və ədalət əyilə bilər, lakin sınmaz”.