İyulun 28-dən avqustun 8-dək Çinin Çenqdu şəhərində keçiriləcək yarışın rəsmi gerisayımına bu gün start verilib.
Bu barədə "Operativ Məlumat Mərkəzi-OMM"-ə GİN-dən məlumat verilib.
Azərbaycan bu yarışlarda əvvəlki illərlə müqayisədə rekord sayda – 103 idmançı ilə təmsil olunacaq. İdmançılarımız Universiadada kamandan oxatma, basketbol, atıcılıq, cüdo, tennis, bədii gimnastika, uşu, taekvondo, voleybol, badminton, stolüstü tennis, idman gimnastikası, atletika, üzgüçülük, qılıncoynatma və akademik avarçəkmə idman növlərində yarışacaqlar.
