Azərbaycan millisi Bakıda təşkil olunan “FIFA series - Edition 2024” layihəsində növbəti oyununu keçirib.

"Operativ Məlumat Mərkəzi-OMM" xəbər verir ki, yığma Bolqarıstan seçməsi ilə üz-üzə gəlib.

Tofiq Bəhramov adına Respublika stadionundakı qarşılaşma heç-heçə başa çatıb - 1:1.

59-cu dəqiqədə qonaqların heyətində Filip Krastev hesabı açıb. 87-ci dəqiqədə Musa Qurbanlı tarazlığı bərpa edib.

Qeyd edək ki, Azərbaycan millisi ilk matçında Monqolustana, Bolqarıstan isə Tanzaniyaya 1:0 hesabı ilə qalib gəlib.

***

Bakıda Azərbaycan və Bolqarıstan milliləri arasında “FIFA series–Edition 2024” layihəsindəki yoldaşlıq oyunu başlayıb.

"Operativ Məlumat Mərkəzi-OMM" xəbər verir ki, Tofiq Bəhramov adına Respublika stadionundakı matç saat 20:00-da start götürüb.

Görüşü estoniyalı hakim Kristo Tohver idarə edir.

Qeyd edək ki, Azərbaycan millisi ilk matçında Monqolustana, Bolqarıstan isə Tanzaniyaya 1:0 hesabı ilə qalib gəlib.

***

“FIFA series–Edition 2024” layihəsində üz-üzə gələcək Azərbaycan və Bolqarıstan millilərinin start heyətləri bəlli olub.

"Operativ Məlumat Mərkəzi-OMM" xəbər verir ki, komandalar meydana aşağıdakı “11-lik”lərlə çıxacaqlar:

Azərbaycan: 1. Şahrudin Məhəmmədəliyev, 13. Rahil Məmmədov, 15. Bədavi Hüseynov, 4. Bəhlul Mustafazadə, 3. Elvin Cəfərquliyev, 7. Coşqun Diniyev, 14. Eddi İsrafilov, 8. Emin Mahmudov, (k), 17. Toral Bayramov, 11. Ramil Şeydayev, 9. Renat Dadaşov

Bolqarıstan: 23. İvan Dulqerov, 6. Valentin Antov, 5. Aleks Petkov, 3. Jivko Atanasov, 26. Viktor Popov, 4. İliya Qruyev, 20. Filip Krastev, 7. Georgi Kostadinov, 22. İlian İliuev, 11. Kiril Despodov (k), 17. Aleksandr Kolev.

Bu gün futbol üzrə UEFA Millətlər Liqasında 2024/2025-ci illər mövsümünün qrup mərhələsinin 1-ci turuna yekun vurulub.

"Operativ Məlumat Mərkəzi-OMM" xəbər verir ki, A, B, C və D Liqaları çərçivəsində son 9 qarşılaşma baş tutub.

Günün əsas oyunlarından biri Almaniya və Macarıstan yığmaları arasında keçirilib. Bundestim doğma meydanda 5 cavabsız qola sevinib. A Liqasındakı digər oyun Niderland ilə Bosniya və Herseqovina yığmaları arasında olub. Yeddi qolluq bu matçda da meydan sahibləri darmadağına seviniblər.

Ukrayna yığması ilk turda Albaniyanı sınağa çəkib və məğlubiyyətə üzülüb. İngiltərə millisi isə İrlandiyanı səfərdə 2 cavabsız qolla üstələyib.

Qonşu Gürcüstan yığması Çexiya millisini doğma meydanda böyük hesabla məğlub edib. Ermənistan da Latviya ilə ev oyununda oxşar hesabla qalib gəlib.

Xatırladaq ki, UEFA Millətlər Liqasında qrup mərhələsinin 1-ci turunun qalan oyunları əvvəlki iki gündə keçirilib.

UEFA Millətlər Liqası
Qrup mərhələsi, 1-ci tur
7 sentyabr

A Liqası, 3-cü qrup

Almaniya – Macarıstan 5:0
Qollar: Füllkruq, 27. Musiala, 58. Virts, 66. Pavloviç, 77. Haverts, 81-pen.

Niderland – Bosniya və Herseqovina 5:2
Qollar: Zirkze, 13. Reynders, 45+2. Qakpo, 56. Veqhorst, 88. X.Simons, 90+2 – Demiroviç, 27. Dzeko, 73.

B Liqası, 1-ci qrup

Gürcüstan – Çexiya 4:1
Qollar: Kvaratsxeliya, 33-pen. Çakvetadze, 53. Mikautadze, 63. Koçoraşvili, 66 – Kalvaç, 80.

Ukrayna – Albaniya 1:2
Qollar: Konoplya, 49 – İsmayli, 54. Asani, 66.

B Liqası, 2-ci qrup

İrlandiya – İngiltərə 0:2
Qollar: Rays, 11. Qriliş, 26.

Yunanıstan – Finlandiya 3:0
Qollar: İoannidis, 24; 76. Kallman, 37-öz qapısına.

C Liqası, 4-cü qrup

Farer adaları – Şimali Makedoniya 1:1
Qollar: Davidsen, 9-pen – Bardi, 49-pen.

Ermənistan – Latviya 4:1
Qollar: Bıçakçıyan, 6. Dubra, 35-öz qapısına. Zelarayan, 48. Spertsyan, 86 – Harutunyan, 9-öz qapısına.

D Liqası, 2-ci qrup

Moldova – Malta 2:0
Qollar: Kaymakov, 32. Nikolaesku, 45+5-pen.

Aleksey Kaşukun "Qarabağ"a transferi ilə bağlı maraqlı fakt üzə çıxıb.

"Operativ Məlumat Mərkəzi-OMM" xəbər verir ki, ukraynalı Ağdam klubuna Şahruddin Məhəmmədəliyevin vasitəsilə keçib.

Son olaraq “Şaxtyor”da (Donetsk) çıxış etmiş yarımmüdafiəçi avqustda “Adana Demirspor”dan geri dönmüş qapıçıyla əlaqə saxlayıb, “Qarabağ”la anlaşmaq istədiyini bildirib.

Dağıstanlı kiper də Qurban Qurbanovla danışıb, onların görüşünü təşkil edib.

Müqaviləsi bitdikdən sonra azad agent statusu daşıyan 24 yaşlı hücumameyilli yarımmüdafiəçi ilə beləcə, 3 illik sözləşmə imzalanıb.

Donetsk klubunun yetirməsi 2019-2022-ci illərdə icarə əsasında ölkəsində “Mariupol”un, 2022/2023 mövsümündə isə Azərbaycanda “Sabah”ın formasını geyinib.

Ukraynanın aşağı yaş qrupları üzrə bütün yığmalarında çıxış etmiş yarımmüdafiəçi 2019-cu ildə 20 yaşadək futbolçulardan ibarət milli komandalar arasında keçirilən dünya çempionatının qalibi olub.

"Mançester Siti"nin yarımmüdafiəçisi Mateo Kovaçiç klubda qalacaq.

"Operativ Məlumat Mərkəzi-OMM" xəbər verir ki, bu barədə jurnalist Fabrizio Romano bildirib.

Daha əvvəl 30 yaşlı yarımmüdafiəçinin karyerasını Səudiyyə Ərəbistanının “Əl-Nəsr” klubunda davam etdirə biləcəyi barədə məlumatlar yayılmışdı.

Mənbənin sözlərinə görə, Kovaçiçin Səudiyyə Ərəbistanına transferi ilə bağlı danışıqlar aparılmayıb.

Xatırladaq ki, Kovaçiç 2023-cü ilin yayından “Mançester Siti”də çıxış edir. Yarımmüdafiəçinin "şəhərlilər"lə hazırkı müqaviləsi 2026/27 mövsümünün sonuna qədər qüvvədədir.

"Atletiko Madrid"in baş məşqçisi Dieqo Simenone mərakeşli yarımmüdafiəçi Sofyan Amrabatı komandasına transfer etmək istəyib.

"Operativ Məlumat Mərkəzi-OMM" jurnalist Fabrizio Romanoya istinadən xəbər verir ki, avqustun son həftəsində Simeone şəxsən Amrabata bir neçə dəfə zəng edib, lakin “Atletiko” yarımmüdafiəçini almaq hüququnu icarə müqaviləsinə daxil etmək istəməyib.

Nəticədə 28 yaşlı yarımmüdafiəçi “Fənərbaxça”ya keçib.

Çünki komandanın baş məşqçisi Joze Mourinyo da Amrabatla şəxsən danışıb.

"Mançester Siti" və "Liverpul" gələn yay “Kristal Pelas”ın yarımmüdafiəçisi Adam Uorton üçün mübarizə aparacaqlar.

"Operativ Məlumat Mərkəzi-OMM" "Daily Mail"ə istinadən bildirir ki, 20 yaşlı futbolçu "şəhərlilərin" və "qırmızılar"ın radarındadır.

Qeyd olunur ki, “Mançester Siti” Rodrinin potensial gedişini nəzərə alaraq Uortonu transfer etmək istəyir.

Son zamanlar ispaniyalının "Real Madrid"ə transferi ilə bağlı şayiələr yayılıb.