Azərbaycan Müdafiə Sənayesi Nazirliyinin nümayəndə heyəti BƏƏ-də səfərdədir

Azərbaycan Müdafiə Sənayesi Nazirliyinin nümayəndə heyəti BƏƏ-də səfərdədir
24.01.2024 12:48
Aa
dəq

Azərbaycan Müdafiə Sənayesi Nazirliyinin nümayəndə heyəti Birləşmiş Ərəb Əmirliklərində (BƏƏ) səfərdədir.

Bu barədə "Operativ Məlumat Mərkəzi-OMM"-ə nazirlikdən bildirilib.

Qeyd olunub ki, yanvarın 23-də BƏƏ-nin Əbu-Dabi şəhərində “UMEX-2024” pilotsuz sistemlər üzrə sərgi və konfrans öz işinə başlayıb.

BƏƏ-nin prezidenti Şeyx Məhəmməd bin Zayed Əl Nəhyanın himayəsi, Müdafiə Nazirliyinin dəstəyi və “ADNEC Group”un təşkilatçılığı ilə keçirilən sərgidə Azərbaycan Respublikasının müdafiə sənayesi naziri Vüqar Mustafayevin rəhbərlik etdiyi nümayəndə heyəti iştirak edir.

Səfər çərçivəsində nazir V.Mustafayev BƏƏ-nin hərbi sənaye kompleksinin əsasını təşkil edən “Tawazun” Sənaye Parkına daxil olan “Halcon”, “Al Tariq”, “Lahab”, “Nimr” və “Caracal” müəssisələrini ziyarət edərək, istehsal imkanları ilə yaxından tanış olub, həmçinin gələcək əməkdaşlıq və qarşılıqlı səfərlərin təşkili ilə bağlı müzakirələr aparıb.

Bundan başqa, Birləşmiş Ərəb Əmirliklərinin müdafiə işləri üzrə dövlət naziri və Nazirlər Şurasının üzvü Məhəmməd bin Mübarək Fadel Əl Mazrouei və “EDGE” şirkətinin İdarə Heyətinin sədri Faisal Əl Bannai ilə görüşən V.Mustafayev “UMEX-2024” sərgisində iştirak etməkdən məmnunluğunu bildirib. O, BƏƏ ilə əməkdaşlığın Azərbaycanın müdafiə sənayesinin prioritet istiqamətlərindən biri olduğunu vurğulayıb və görüş iştirakçılarını Bakıda keçiriləcək “ADEX-2024” 5-ci Beynəlxalq Müdafiə Sərgisinə dəvət edib.

Görüşlər zamanı mövcud əməkdaşlığın inkişafı və maraq doğuran digər məsələlər barəsində fikir mübadiləsi aparılıb.

Qeyd edək ki, 26 ölkə üzrə 134-dən çox iştirakçının qatıldığı və 500-dən artıq xarici nümayəndənin iştirak etdiyi “UMEX-2024” sərgisində aviasiya və kosmonavtika sahəsinə aid olan texnologiyalar nümayiş etdirilir.

Sərgi yanvarın 25-dək davam edəcək.

Həftənin ən çox oxunanları

NATO Bakıda “Hərbi tibb kursu” keçirir

NATO Bakıda “Hərbi tibb kursu” keçirir
DAVAMIN OXU davamın oxu

Ermənistan dezinformasiya yaymağa davam edir

Ermənistan dezinformasiya yaymağa davam edir
DAVAMIN OXU davamın oxu

Hərbçimiz əlverişsiz havada itib - RƏSMİ AÇIQLAMA

Hərbçimiz əlverişsiz havada itib - RƏSMİ AÇIQLAMA
DAVAMIN OXU davamın oxu

Hərbi vəzifəlilərlə keçirilən təlim toplanışı başa çatıb

Hərbi vəzifəlilərlə keçirilən təlim toplanışı başa çatıb
DAVAMIN OXU davamın oxu

Ermənilər Naxçıvandakı mövqelərimizi atəşə tutub

Ermənilər Naxçıvandakı mövqelərimizi atəşə tutub
DAVAMIN OXU davamın oxu