“İndiyə qədər Qarabağa 17 milyard manat xərclənib, il sonuna bu rəqəm 20 milyarda çatacaq. Bu, illik büdcənin yarısı qədərdir. Azərbaycan bunları öz daxili resursları ilə edib”.
"Operativ Məlumat Mərkəzi-OMM" xəbər verir ki, bunu Milli Məclisin plenar iclasında deputat Aydın Mirzəzadə deyib.
O xatırladıb ki, Zəfərdən sonra bəzi xarici dairələr Azərbaycanın bu yükün öhdəsindən gələ bilməyəcəyini düşünürdü, lakin:
“Azərbaycan hər gün yeni yaşayış məntəqəsinə keçmiş məcburi köçkünlərin qayıdışı ilə sübut edir ki, qarşıya qoyduğu vəzifələri uğurla icra edir”.
Mirzəzadə qeyd edib ki, Ermənistanın ara-sıra etiraflarına baxmayaraq, regionda hələ də təhlükələr qalır:
“Azərbaycan daim özünü müdafiəyə hazır olmalıdır. Yeni silahların alınması və ordunun peşəkarlığının artırılması üçün ayrılan vəsait həyati vacibdir”.
O həmçinin kiber təhlükəsizliyin gücləndirilməsinin zəruriliyini vurğulayıb:
“Dövlət informasiya resurslarına hücumlarla bağlı xəbərlər göstərir ki, bu sahə böyük diqqət və resurs tələb edir”.
Afət Ziyadqızı
