Naxçıvan istiqaməti üzrə planlaşdırılan bütün aviareyslər hazırda ştat rejimində və qrafikə uyğun olaraq həyata keçirilir.
Bu barədə “Operativ Məlumat Mərkəzi-OMM”-ə "Azərbaycan Hava Yolları" QSC (AZAL) tərəfindən məlumat verilib.
Məlumata əsasən, AZAL Yaxın Şərq regionundakı mövcud gərgin vəziyyəti diqqətlə izləməyə davam edir. Uçuşların təhlükəsizliyinin tam təmin edilməsi üçün bütün lazımi tədbirlər görülür və sərnişinlər mümkün dəyişikliklər barədə operativ şəkildə məlumatlandırılacaqlar.
Əlavə məlumat əldə etmək istəyən sərnişinlər [email protected] elektron poçt ünvanı vasitəsilə aviaşirkətlə birbaşa əlaqə saxlaya bilərlər.
Xatırladaq ki, bu gün İsrail ölkəyə qarşı təhdidləri aradan qaldırmaq məqsədilə İran ərazisinə qabaqlayıcı zərbələr endirib. Nəticədə İsrailin bütün ərazisində dərhal fövqəladə vəziyyət elan edilib.
