Avropa İttifaqı (Aİ) ölkələrində "Tesla" markalı avtomobil satışları ilin birinci rübündə keçən ilin eyni dövrü ilə müqayisədə 45 faiz azalıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, Avropa Avtomobil İstehsalçıları Assosiasiyası (ACEA) yanvar-mart ayları üçün Avropa ölkələrində avtomobillərin yeni qeydiyyat məlumatlarını açıqlayıb.
Müvafiq olaraq, ABŞ-li milyarder İlon Maska məxsus "Tesla"nın avtomobil satışları Aİ ölkələrində azalıb.
Keçən ilin mart ayında 28 463 olan "Tesla" satışları bu ilin eyni dövründə 36 faiz azalaraq 18 224-ə düşüb.
Markanın Aİ-də ümumi yeni avtomobil satışlarında payı da mart ayında 2,8 faizdən 1,8 faizə düşüb.
