2023/2024 mövsümündə avrokubokların oyunları Azərbaycanın iki telekanalında yayımlanacaq.

"Operativ Məlumat Mərkəzi-OMM" xəbər verir ki, azarkeşlər UEFA Çempionlar Liqası, Avropa Liqası və Konfrans Liqasının matçlarını “CBC Sport” və İTV-dən izləyə biləcəklər.

“Saran Media” və ölkə ərazisində turnirin əsas yayımçısı “CBC Sport”la əldə olunan razılaşma əsasında qeyd olunan turnirlərdə yarımfinal mərhələsinə kimi paralel keçiriləcək görüşlər İTV-nin canlı efirində təqdim olunacaq. Anlaşmaya əsasən, hər oyun həftəsində 3 qarşılaşma İTV-də yayımlanacaq.

Artıq bu gün Çempionlar Liqasının pley-off mərhələsinin cavab oyunları çərçivəsində keçiriləcək “Kopenhagen” (Danimarka) - “Rakuv” (Polşa) görüşünü saat 23:00-dan etibarən İTV-dən izləmək mümkün olacaq.

"Azerspace-1" peyki vasitəsilə yayımlanan radiokanalların sayı 24-ə çatıb.

"Operativ Məlumat Mərkəzi-OMM" xəbər verir ki, bu barədə Azərbaycanın Kosmik Agentliyi (Azərkosmos) məlumat yayıb.

Bildirilib ki, "AvtoFm", "Baku Hit FM", "Retro FM" və "Yurd FM" radio dalğaları da artıq "Azerspace-1" peyki üzərindən yayımlanmağa başlayıb.

Bununla da ölkədə peyk vasitəsilə yayımlanan radiokanalların sayı 24-ə çatıb.

Avropa İttifaqı (Aİ) Şurası Avropa İttifaqının ərazisində “Voice of Europe”, “RİA Novosti”, “İzvestiya” və “Rossiyskaya qazeta”nın yayımını qadağan edib.

"Operativ Məlumat Mərkəzi-OMM" xəbər verir ki, bu barədə qurumun məlumatında qeyd edilib.

APA TV-nin rejissoru Emil Abdullayev 41 yaşında vəfat edib.

"Operativ Məlumat Mərkəzi-OMM" xəbər verir ki, mərhum xərçəng xəstəliyindən əziyyət çəkirdi.

Rejissor uzun müddət televiziya sahəsində işləyib. Son 10 ildə APA TV-nin əməkdaşı olub.

Allah rəhmət eləsin.

Medianın İnkişafı Agentliyi (MEDİA) çap mediası subyektlərinə dəstək üçün müsabiqə elan edib.

"Operativ Məlumat Mərkəzi-OMM" xəbər verir ki, bu barədə MEDİA məlumat yayıb.

Bildirilib ki, Media Reyestrinə daxil edilmiş ictimai-siyasi qəzetlər müsabiqədə iştirak edə bilərlər. Müsabiqədə iştirak etmək üçün müraciət və ona əlavə edilən sənədlər elektron formada mib.media.gov.az portalı vasitəsilə Agentliyə təqdim edilməlidir.

Müsabiqənin yekununda qalib elan edilmiş qəzet redaksiyaları ilə Agentlik arasında maliyyə yardımının göstərilməsinə dair müqavilə imzalanır və 6 (altı) ay müddətində qüvvədə olur.

Vurğulanıb ki, həftədə bir nömrəsi maliyyələşdirilən qəzetlərin hər birinə aylıq 5000 manat, həftədə beş nömrəsi maliyyələşdirilən qəzetlərin hər birinə aylıq 15000 min manat, qəzetin eyniadlı veb-saytına isə aylıq 3000 manat (əsaslı yenilənmə niyyəti ifadə edilmişdirsə, ilk ay 5000 manat olmaqla) məbləğində maliyyə yardımı göstərilir.

Qeyd edək ki, müsabiqəyə 23 may 2024-cü il tarixinədək müraciət etmək mümkündür.

Medianın İnkişafı Agentliyi (MEDİA) onlayn media subyektlərinə dəstək üçün müsabiqə elan edib.

"Operativ Məlumat Mərkəzi-OMM" xəbər verir ki, bu barədə MEDİA məlumat yayıb.

Bildirilib ki, Media Reyestrinə daxil edilmiş ictimai-siyasi və idman məzmunlu kütləvi informasiya dərc edən onlayn media subyektləri müsabiqədə iştirak edə bilərlər. Müsabiqədə iştirak etmək üçün müraciət və ona əlavə edilən sənədlər elektron formada mib.media.gov.az portalı vasitəsilə Agentliyə təqdim edilməlidir.

Vurğulanıb ki, müsabiqənin yekununda qalib elan edilmiş onlayn media subyektləri ilə Agentlik arasında həmin subyektlərin hər birinə aylıq 3000 (üç min) manat məbləğində maliyyə yardımının göstərilməsinə dair müqavilə imzalanır və 6 (altı) ay müddətində qüvvədə olur.

Qeyd edək ki, müsabiqəyə 23 may 2024-cü il tarixinədək müraciət etmək mümkündür.