Almaniyada təşkil olunan Avropa çempionatının 1/4 finalında keçirilən son görüşlərdən sonra yarımfinal cütləri müəyyənləşib.

"Operativ Məlumat Mərkəzi-OMM" xəbər verir ki, 1/4 finalda Almaniya yığmasını məğlub edən İspaniya, Portuqaliyanı penaltilər seriyasında mübarizədən kənarlaşdıran Fransa ilə üz-üzə gələcək.

Digər yarımfinal qarşılşamasında isə Niderland İngiltərə ilə münasibətlərə aydınlıq gətirəcək. İngiltərə 1/4 finalda İsveçrəni penaltilər seriyasında məğlub edib (5:3). Niderland isə Türkiyə yığmasından üstün olub - 2:1.

Avropa çempionatı

Yarımfinal cütləri

İspaniya - Fransa

Niderland - İngiltərə

Qeyd edək ki, yarımfinal görüşləri 9-10 iyulda keçiriləcək.

Bosniya və Herseqovina Futbol Federasiyası daşqın səbəbindən bu həftəsonu baş tutacaq ölkə çempionatının bütün oyunlarını təxirə salıb.

"Operativ Məlumat Mərkəzi-OMM" xəbər verir ki, bu barədə federasiyanın mətbuat xidməti məlumat yayıb.

Qarşılaşmaların hansı tarixlərlərdə keçiriləcəyi açıqlanmayıb.

Ölkədə baş verən təbii fəlakət nəticəsində 14 nəfərin öldüyü, bir neçə nəfərin isə itkin düşdüyü bildirib.

İdman Arbitraj Məhkəməsi (CAS) daha əvvəl 5 oyunluq diskvalifikasiya edilən Uruqvay millisinin hücumçusu Darvin Nunyesin cəzasını yüngülləşdirib.

"Operativ Məlumat Mərkəzi-OMM" xarici KİV-ə istinadən xəbər verir ki, Amerika Kubokunun yarımfinalında Kolumbiya millisi ilə keçirilən matçda azarkeşlərlə dava edən və buna görə 5 oyunluq cəzaya məruz qalan 25 yaşlı futbolçu Uruqvay yığmasının növbəti qarşılaşmalarında iştirak edə biləcək.

O, 2026-cı il dünya çempionatının seçmə mərhələsində qarşılaşacaqları Peri və Ekvador yığması ilə oyunlarda komandasına kömək edəcək.

Cəzaya görə Nunyes ölkəsinin Paraqvay və Venesuela ilə oyunlarını buraxmaq məcburiyyətində qalmışdı.

“Yuventus”un futbolçusu Pol Poqbanın dopinqə görə verilən cəzasının müddəti azaldılıb. 

"Operativ Məlumat Mərkəzi-OMM" “MailSport”a istinadən xəbər verir ki, 31 yaşlı fransalı futbolçuya verilən cəzanın müddəti 4 ildən 18 aya azaldılıb. O, 2025-ci ilin yanvar ayından etibarən İtaliya təmsilçisi ilə birgə məşq edə biləcək. Rəsmi matçlara çıxmağa icazə isə mart ayından etibarən veriləcək. 

Qeyd edək ki, Pol Poqba bu ilin qışında dopinqə görə 4 il müddətinə diskvalifikasiya olunmuşdu.

Azərbaycan Premyer Liqasında "Kəpəz" "Neftçi"yə qalib gəlib.

"Operativ Məlumat Mərkəzi-OMM" xəbər verir ki, IX turun açılış matçında, Tovuz şəhər stadionunda "ağ-qaralar"ı qəbul edən Gəncə təmsilçisi cari mövsüm ilk qələbəsini qazanıb - 4:3.

Meydan sahiblərinin heyətində Orxan Əliyev (24, 32) dubl müəllifi olub. Mahamadu Ba (41) və Viktor Braqa (48) isə hərəyə bir dəfə fərqləniblər. Qonaq komandadan isə Ervin Koffi (4), Ramil Şeydayev (31) və Ağadadaş Salyanski (90+5) adını tabloya yazdırıb.

Bu qələbə sayəsində turnir cədvəlinin sonuncu sırasında qərarlaşan "Kəpəz" aktivinə ilk 3 xalı yazdırıb.

Qeyd edək ki, turun digər görüşləri oktyabrın 5-6-da keçiriləcək.

Kerem Aktürkoğlu İngiltərə Premyer Liqasında çıxış edə bilər. 

"Operativ Məlumat Mərkəzi-OMM" xəbər verir ki, türk ulduzla "Mançester Yunayted" klubu yaxından maraqlanır.

"Qırmızı şeytanlar" 25 yaşlı vinger üçün "Benfika"ya təklif irəli sürəcək. 

Məbləğin 34 milyon funt-sterlinq civarında olacağı bildirilir.