ABŞ Hərbi Dəniz Qüvvələrinə məxsus "Abraham Linkoln" təyyarədaşıyan gəmisi, İran tərəfindən dörd ballistik raket atılmasından sonra mövcud dislokasiya zonasından uzaqlaşıb.
“Operativ Məlumat Mərkəzi-OMM” xəbər verir ki, bu barədə İslam İnqilabı Keşikçiləri Korpusunun (İİKK) mətbuat xidməti rəsmi məlumat yayıb.
Məlumata əsasən, Amerika təyyarədaşıyan gəmisi missiyasını yerinə yetirdiyi ərazini tərk edərək Hind okeanı istiqamətində hərəkətə başlayıb.
Öz növbəsində, ABŞ Mərkəzi Komandanlığı gəminin atəşə tutulduğunu təsdiqləsə də, onun İran raketləri ilə vurulmadığını bəyan edib.
