Londonun "Arsenal" klubu heyətini gücləndirmək istiqamətində addımlar atır.
"Operativ Məlumat Mərkəzi-OMM" "Arsenal Radar" nəşrinə istinadən xəbər verir ki, "topçular" "Lester" klubunun 16 yaşlı vingeri Ceremi Monqanı transfer etmək niyyətindədir.
Gənc futbolçu ilə şəxsi müqavilə şərtlərində razılıq əldə edildiyi barədə şayiələr yayılsa da, klublar səviyyəsində hələlik razılıq yoxdur.
"Lester" rəhbərliyi London təmsilçisinin ilk rəsmi təklifini qəbul etməyib.
Buna baxmayaraq, transferin reallaşma ehtimalı yüksək qiymətləndirilir.
Belə ki, gənc ingilis futbolçunun özü karyerasını məhz "Arsenal"da davam etdirməkdə maraqlıdır.
"Transfermarkt" mütəxəssisləri Ceremi Monqanın bazar dəyərini 15 milyon avro olaraq qiymətləndirirlər.
Ötən mövsüm o, "Lester"in heyətində Çempionşipdə 27 oyuna çıxıb, 1 qol vurub və 2 məhsuldar ötürmə ilə yadda qalıb. Lakin onun göstərdiyi performans komandasının üçüncü liqaya düşməsinin qarşısını ala bilməyib.
