İsrail Müdafiə Qüvvələri (İQQ) Livanın cənubunda “Hizbullah”a məxsus hərbi infrastruktura qarşı genişmiqyaslı əməliyyat keçirildiyini açıqlayıb.
"Operativ Məlumat Mərkəzi-OMM"xəbər verir ki, İQQ-nin yaydığı məlumatda bildirilib ki, İsrail qoşunları bölgədə “Hizbullah” tərəfindən istifadə olunan təxminən 1000-dən çox hərbi obyekti məhv edib.
Açıqlamada qeyd olunur ki, məhv edilən obyektlər arasında partlayıcı qurğularla tələyə salınmış tikililər və silah anbarları da yer alıb. İsrail tərəfinin iddiasına görə, bu obyektlər İQQ qüvvələrinə qarşı hücum planlarının hazırlanması üçün istifadə edilirdi.
Bundan əlavə, İsrail Müdafiə Qüvvələri əməliyyat zamanı böyük miqdarda silah-sursatın aşkar edildiyini də bildirib. Tapılanlar arasında pulemyotlar, “Kalaşnikov” avtomatları, qumbaralar, minalar, tapançalar, tank əleyhinə raketlər, RPG mərmiləri və minaatan mərmiləri olduğu qeyd edilib.
