"Apple"ın bazar dəyəri 4 trilyon dolları keçən nadir açıq səhmdar şirkətlərdən biri olub.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bu mühüm mərhələ ilə "Apple" daha əvvəl eyni səviyyəyə çatan "Nvidia" və "Microsoft" kimi nəhənglər sırasına daxil olub.
"Apple"ın səhmləri ötən gün 0,1 faiz artaraq yüksəlişini davam etdirib. Şirkətin bu uğurlu göstəricisində "iPhone 17" satışlarının güclü olması mühüm rol oynayıb.
İlin ilk aylarında Donald Trump administrasiyasının tətbiq etdiyi gömrük rüsumları, süni intellekt məhsullarındakı gecikmələr və yerli istehsal təzyiqləri səbəbilə "Apple" böyük dəyər itirmişdi. Lakin son həftələrdəki bərpa prosesi, markanın hələ də investor etimadını qoruduğunu göstərir.
