İran ətrafında artan gərginlik fonunda, Türkiyə qlobal enerji təhlükəsizliyini təmin etmək üçün Hörmüz boğazından yan keçən 5 alternativ neft və qaz tədarükü marşrutu hazırlayıb.
“Operativ Məlumat Mərkəzi-OMM” xəbər verir ki, bu strateji plan barədə məlumatı "Türkiye" qəzeti birbaşa Türkiyə Ticarət Nazirliyinə istinadən yayıb.
Nazirliyin rəhbəri Ömər Bolatın sözlərinə görə, Ankara böhran dövründə həm enerji istehsalçıları, həm də istehlakçılar üçün vacib həll yolu olan alternativ logistika marşrutlarının işə salınması üçün fəal addımlar atır. Nəzərdən keçirilən əsas enerji nəqli marşrutlarına İraq və Suriya üzərindən quru yolu ilə çatdırılmalar daxildir.
Digər mühüm variantlar kimi Süveyş kanalı, Qırmızı dəniz, İordaniya və Səudiyyə Ərəbistanı vasitəsilə birləşdirilmiş xətlər, eləcə də Oman limanından BƏƏ-yə və regionun digər ölkələrinə gedən yollar dəyərləndirilir. Ümid Burnu marşrutu da variantlardan biri kimi qeyd olunsa da, çatdırılma müddətini 10-15 gün artırdığı və nəqliyyat xərclərini yüksəltdiyi üçün daha az gəlirli hesab edilir.
Qeyd edək ki, daha əvvəl Türkiyə, Misir və Səudiyyə Ərəbistanının Hörmüz boğazından neft məhsullarının daşınmasını əlaqələndirmək məqsədilə xüsusi konsorsium yaratmaq imkanlarını araşdırdığı da bildirilmişdi.
