Azad olunan ərazilərdə fevral ayı ərzində aparılan axtarışlar nəticəsində 71 tank əleyhinə mina, 410 piyada əleyhinə mina və 1621 partlamamış hərbi sursat (PHS) aşkarlanaraq zərərsizləşdirilib.
“Operativ Məlumat Mərkəzi-OMM”-in məlumatına görə, bu barədə Azərbaycan Minatəmizləmə Agentliyinin (ANAMA) humanitar minatəmizləmə əməliyyatları ilə bağlı yaydığı aylıq hesabatda qeyd olunub.
Agentliyin rəsmi məlumatına əsasən, hesabat dövründə 4264,8 hektar ərazi minalardan tam təmizlənərək təhlükəsiz vəziyyətə gətirilib.
Minatəmizləmə əməliyyatları ANAMA, Müdafiə Nazirliyi, Fövqəladə Hallar Nazirliyi (FHN), Dövlət Sərhəd Xidməti (DSX) və dörd özəl şirkət tərəfindən birgə həyata keçirilib.
Təmizləmə işləri Tərtər, Ağdərə, Kəlbəcər, Ağdam, Xocalı, Xankəndi, Şuşa, Xocavənd, Laçın, Füzuli, Cəbrayıl, Qubadlı və Zəngilan ərazilərini əhatə edib.
