Almaniyada aparılan sorğuya görə, almanların əksəriyyəti hökumətin İsrailə verdiyi hərbi yardıma qarşı çıxır.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, sorğuda almanların 82 faizi İsrailin Qəzzaya hücumlarına verilən hərbi dəstəyə qarşı olduqlarını bildirib.
Respondentlərin yalnız 15 faizi İsrailə hərbi dəstəyi dəstəkləyib.
Sorğuda iştirak edənlərin 73 faizi Almaniya hökumətinin İsrailə daha güclü diplomatik təzyiq göstərməli olduğunu qeyd edib.
Sorğu həmçinin almanların tarixi öhdəliklərinə dair baxışlarında əsaslı dəyişiklik baş verdiyini ortaya çıxarıb.
Almanların 60 faizi ölkələrinin Holokost (yəhudi soyqırımı) səbəbilə İsrail qarşısında xüsusi məsuliyyət daşıdığı fikrini rədd edib, yalnız 38 faizi bu ənənəvi mövqeyi dəstəkləyib.
