Avropa İttifaqı (Aİ) “Xarici təsir haqqında” qanuna görə Gürcüstana maliyyə yardımını dayandırmağı ciddi şəkildə nəzərdən keçirir.
"Operativ Məlumat Mərkəzi-OMM" xəbər verir ki, bunu “Europa Press”ə müsahibəsində Avropa İttifaqının Xarici Siyasət və Təhlükəsizlik Məsələləri üzrə Ali Nümayəndəsi Cozep Borrelin mətbuat katibi Peter Stano deyib.
O, təmsil etdiyi qurumda Gürcüstandakı vəziyyətdən dolayı ciddi narahatlıq keçirdiklərini və sözü gedən qanunu geriyə addım kimi dəyərləndiklərini deyib.
Qeyd edək ki, sözü gedən qanun avqustun 1-dən qüvvəyə minib.
Məlumat üçün bildirək ki, 31 iyul tarixində ABŞ Dövlət katibi Antoni Blinken Gürcüstan hökumətinə ölkəsinin 95 milyon dollardan çox birbaşa yardımı dayandırdığını bəyan edib. ABŞ-ın baş diplomatı Gürcüstan hökumətinin antidemokratik hərəkətləri və yalan bəyanatları Avropa İttifaqı və NATO-ya üzvlük normalarına uyğun gəlmədiyini vurğulayıb.
