ABŞ immiqrasiya qaydalarının sərtləşdirilməsi çərçivəsində ölkədə 30 gündən çox qalan kanadalı ziyarətçilərin səlahiyyətli orqanlarda qeydiyyatdan keçmələrini və barmaq izlərini təqdim etmələrini məcburi edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Yeni təcrübə aprelin 11-də qüvvəyə minəcək və artıq mövcud olan, lakin kanadalılara davamlı olaraq tətbiq edilməyən qanunun daha sərt icrasını təmin edəcək.
Mövcud qanun 14 və daha yuxarı yaşda olan əcnəbi vətəndaşların ABŞ-də 30 gündən çox qaldıqları təqdirdə səlahiyyətli orqanlarda qeydiyyatdan keçmələrini tələb edir.
Bu qaydalara əməl edilmədikdə, müxtəlif sanksiyalar, o cümlədən cərimələr, cinayət təqibi və həbs cəzası tətbiq oluna bilər.
