ABŞ prezidenti Donald Tramp Yaxın Şərq turunu başa vurduqdan sonra ABŞ-yə qayıdacağını bildirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, ABŞ-BƏƏ İş Şurasında mətbuat mənsublarının suallarını cavablandıran ABŞ prezidenti Tramp nəvəsinin dünyaya gəldiyini və Yaxın Şərq turundan sonra onu görmək üçün ölkəsinə dönəcəyini bildirib.
Rusiya ilə Ukrayna arasında müharibəyə son qoymağın vaxtının gəldiyini qeyd edən Tramp, İstanbulda Türkiyənin ev sahibliyi etdiyi Rusiya və Ukrayna arasında sülh danışıqlarında iştirakı ilə bağlı bildirib: "Hamı dedi ki, Rusiya prezidenti Vladimir Putin gedəcək. Mən də dedim ki, mən getməsəm, Putinin getməyəcəyinə zəmanət verirəm".
ABŞ prezidenti dünyanın daha təhlükəsiz yerə çevrilməyə başladığını və 2-3 həftə ərzində dünyanın çox daha təhlükəsiz yerə çevriləcəyini bəyan edib.
