Türkiyə parlamentinin yeni tərkibdə ilk iclası başlayıb

İyirmi səkkizinci çağırış Türkiyə Böyük Millət Məclisinin (TBMM) yeni tərkibdə ilk iclası başlayıb.

"Operativ Məlumat Mərkəzi-OMM"-in xəbərinə görə, toplantıya ən yaşlı deputat olan Milliyyətçi Hərəkat Partiyasının (MHP) sədri Dövlət Bağçalı sədrlik edir.

TBMM-in keçmiş sədri Mustafa Şəntop artıq səlahiyyətlərini D.Bağçalıya təhvil verib. Yeni spiker seçilənədək qanunverici orqana o, rəhbərlik edəcək.

Türkiyə Prezidenti Rəcəb Tayyib Ərdoğan iclasda iştirak edir.