Tayvanda baş verən 7,4 bal gücündə zəlzələ nəticəsində ölənlərin sayı 13-ə yüksəlib

Tayvanda zəlzələdən sonra yaradılan Təcili Yardım Mərkəzinin verdiyi açıqlamaya görə, axtarış-xilasetmə qrupları Hualien şəhərinin şimalındakı Taroko Milli Parkında daha bir nəfərin cəsədini tapıb.

"Operativ Məlumat Mərkəzi-OMM" xəbər verir ki, şəxsiyyət vəsiqəsindən mərhumun 21 yaşlı Hu soyadlı qadın olduğu müəyyənləşib.

Beləliklə, ölənlərin sayı 13-ə yüksəlsə də, itkin düşdüyü bildirilən 6 nəfərin axtarışları davam edir.