Afət Ziyadqızı
Qazaxıstanın Ulıtau vilayətindəki Jomart mədənində dağ kütləsi çöküb.
"Operativ Məlumat Mərkəzi-OMM" xəbər verir ki, bu barədə Respublika Fövqəladə Hallar Nazirliyinin mətbuat xidməti məlumat yayıb.
Hadisə nəticəsində 7 şaxtaçı dağıntılar altında qalıb, onların hamısı həlak olub.
Hadisə yerinə Fövqəladə Hallar Departamentinin 21 əməkdaşı və 7 texnikası, həmçinin xilasetmə xidmətinin iki bölməsi cəlb olunub.
Qazaxıstan Prezidenti Kasım-Jomart Tokayev həlak olanların yaxınlarına başsağlığı verib və hökumətə faciənin səbəblərini hərtərəfli araşdırmağı tapşırıb.
