"Qalatasaray" "Trabzonspor"un sol cinah müdafiəçisi Eren Elmalını transfer etmək istəyir.
"Operativ Məlumat Mərkəzi-OMM" "Milliyet" qəzetinə istinadən xəbər verir ki, "Qalatasaray" Eren Elmalı üçün Trabzon klubuna Kerem Demirbayı və 3 milyon avro təklif edəcək
Transferin baş tutması isə "Trabzonspor"un baş məşqçisi Şenol Günəş və Kerem Demirbaydan asılıdır.
Cari bazar dəyəri 4 milyon avro olaraq göstərilən Eren Elmalı bu mövsüm çıxdığı 14 oyunda 1 məhsuldar ötürmə edib.
Milli futbolçunun "Trabzonspor"la müqaviləsi 2027-ci ilə qədərdir.
"Qalatasaray"da bu mövsüm 15 oyuna çıxan 31 yaşlı Kerem Demirbay 2 məhsuldar ötürmə ilə yadda qalıb.
