Afət Ziyadqızı
Rusiya və Belarus Prezidentləri Vladimir Putin və Aleksandr Lukaşenkonun cümə günü Moskvada görüşü gözlənilir.
"Operativ Məlumat Mərkəzi-OMM" xəbər verir ki, bu barədə Belarus liderinin mətbuat katibi Natalya Eysmont TASS-a bildirib.
Gündəliyə “bütün regional və ikitərəfli münasibətlər” daxildir. Lukaşenko ABŞ-dən gələn mesajları Putinə çatdıracağını da qeyd edib.
Cümə axşamı prezident Moskvada Ümumdünya Atom Həftəsi forumunda birgə iştirak edib və tədbir başlamazdan əvvəl qısa söhbət edib.
Onların əvvəlki görüşü sentyabrın 2-də Pekində baş tutub.
