Hindistan silah, hərbi texnika və S-400 hava hücumundan müdafiə raket sistemlərinin texniki xidmətinə 7,6 milyard dollar xərcləyəcək.
"Operativ Məlumat Mərkəzi-OMM" xəbər verir ki, bu barədə Müdafiə Nazirliyinin nəzdində fəaliyyət göstərən “Müdafiə Alınması Şurası” qərar verib.
Şuranın iclasında Hindistanın müdafiə naziri Racnat Sinq də iştirak edib. Şura üzvləri ölkənin donanması üçün BrahMos raket sistemləri üçün buraxılış qurğuları və atəşə nəzarət sistemlərinin alınmasını və S-400 hava hücumundan müdafiə raket sisteminin illik texniki xidmətini təsdiqləyib. Şura həmçinin piyada döyüş maşınları üçün gecə termal görüntülərinin alınmasını əmr etdi.
