Cənubi Koreya Hərbi Hava Qüvvələri KF-16 qırıcısı hərbi təlim zamanı atış məsafəsindən kənara 8 bomba atıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, hadisə sərhəddə yerləşən Poçeon şəhərində baş verib.
Nəticədə 15 nəfər yaralanıb. Yaralananlardan 4-nün vəziyyətinin ağır olduğu bildirilir.
Mülki əraziyə düşən 8 bombadan yalnız birinin partladığı ehtimal edilir.
Hadisədən sonra kilsə və evlərə də ziyan dəyib.
