“Hatayspor”un idman direktoru zəlzələdə ölüb

“Hatayspor” klubunun idman direktoru Taner Savut Türkiyədə baş verən zəlzələlərdən sonra dağıntılar altında qalaraq vəfat edib.

"Operativ Məlumat Mərkəzi-OMM" xəbər verir ki, bu barədə klubun mətbuat xidməti məlumat verib:

“İdman direktorumuz Taner Savutun vəfatı bizi çox kədərləndirdi. Ailəsinə və bütün yaxınlarına başsağlığı veririk”.

Daha əvvəl klubun qanalı futbolçusu Kristian Atsunun cəsədinin fevralın 18-də dağıntılar altından çıxarıldığı bildirilmişdi.

Fevralın 6-da baş verən zəlzələ Türkiyənin 10 vilayətində 13,5 milyon insana təsir göstərib.