Afət Ziyadqızı
Gürcüstan parlamentinin sədr müavini Gia Volski gələcəkdə Gürcüstanın “3+3” məsləhətçi regional platforma formatının işində iştirakının mümkünlüyünü istisna etməyib.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
"Gələcəkdə bu, tamamilə mümkündür, lakin indiki mərhələdə bu məsələ gündəmdə deyil, Gürcüstanın maraqlı olması və formatda iqtisadi və siyasi iştiraka hazır olması üçün heç bir ilkin şərt yoxdur", - Volski jurnalistlərə bildirib.
Xatırladaq ki, Cənubi Qafqaz və Yaxın Şərqdə əməkdaşlıq üzrə altıtərəfli (Rusiya, Türkiyə, İran, Azərbaycan, Ermənistan və Gürcüstan) məsləhətləşmə formatının işə salınması 2020-ci ilin sonunda Azərbaycan və Türkiyə prezidentləri İlham Əliyev və Rəcəb Ərdoğan tərəfindən təklif edilib. Üç görüş keçirilib, lakin Gürcüstan onlara qatılmayıb.
