“Milton” qasırğası Meksika körfəzinin cənubunda Saffir-Simpson şkalası üzrə üçüncü kateqoriyaya qədər güclənib.
"Operativ Məlumat Mərkəzi-OMM" xəbər verir ki, bu barədə ABŞ Milli Qasırğa Mərkəzi məlumat yayıb.
Hazırda qasırğa 13 km/saat sürətlə cənub-şərqə doğru irəliləyir.
Onun hüdudları daxilində küləyin maksimal sürəti 54 m/s-ə çatır.
Təbii fəlakətin episentri Proqreso şəhərindən 285 km şimal-qərbdə və Tampadan (Florida) 1210 km cənub-qərbdə yerləşir.
Florida sahillərinin bəzi hissələri üçün fırtına xəbərdarlığı edilib.
