Afət Ziyadqızı
Finlandiyanın iqtisadi inkişaf naziri Vilhelm Junnila təyinatından 10 gün sonra tutduğu vəzifədən istefa verib.
"Operativ Məlumat Mərkəzi-OMM"-in xəbərinə görə, o, iyunun 20-də nazir postuna gətirilib.
Bundan sonra aparılan araşdırmalar nəticəsində V.Junnilanın əvvəllər nasizmə rəğbət bəslədiyi üzə çıxıb.
O, mətbuata açıqlamasında bildirib ki, partiyanın və parlament qrupunun etimadına baxmayaraq, bu postda qalmağı məqsədəuyğun hesab etmir.
Qeyd edək ki, V.Yunnila nazir təyin olunandan sonra Finlandiya mətbuatı onun ifrat sağçı təşkilatların fəaliyyətində iştirakı və nasizmlə əlaqəyə dair eyham dolu fikirlər səsləndirməsi barədə bir neçə material dərc edib.
Təyinatdan dərhal sonra V.Yunnila etdiyi hərəkətə görə üzr istəyib.
