"Çin hakimiyyəti Yaponiyanın nüvə silahından imtina mövqeyindəki mənfi dəyişikliklərlə bağlı ciddi narahatlıq ifadə edir".
"Operativ Məlumat Mərkəzi-OMM" xəbər verir ki, bu sözləri ÇİN Xarici İşlər Nazirliyinin rəsmi nümayəndəsi Lin Cian bildirib.
“Çin Yaponiyada son vaxtlar hərbi və təhlükəsizlik sahəsində baş verən hadisələrdən ciddi narahatdır. Özünü sülhpərvər ölkə kimi təqdim etdiyi və nüvə silahı olmayan bir dünya üçün çağırış etdiyi halda, Yaponiyanın baş naziri Sanae Takaitinin administrasiyası qeyri-müəyyən və dolaşıq mövqe tutub”, – o qeyd edib.
Lin Cian əlavə edib ki, Tokionun bu mövqeyi Yaponiyada hakimiyyətin siyasətindəki əhəmiyyətli mənfi dönüşü tam şəkildə üzə çıxarır və beynəlxalq ictimaiyyətə təhlükəli siqnallar göndərir.
