Çavuşoğlu: "İrandan məlumatları Azərbaycanla paylaşmasını tələb edirik"

Türkiyənin İrandan tələbi Azərbaycanın səfirliyinə qarşı hücumun arxasında kimin olduğunu müəyyən edərək Azərbaycanla bu məlumatların paylaşmasıdır.

"Operativ Məlumat Mərkəzi - OMM" xəbər verir ki, bu barədə Türkiyə xarici işlər naziri Mövlud Çavuşoğlu jurnalistlərin sualına cavab olaraq bildirib.

O qeyd edib ki, son zamanlar Azərbaycan diplomatik nümayəndəliklərinə qarşı bir sıra terror aktı həyata keçirilib.

"Parisdə iki hücum oldu. Eynilə Livanda da hücum oldu. Bunlar radikal ermənilərin hücumlarıdır. Həmçinin Londonda bir radikal qrup Azərbaycan səfirliyinə daxil olub və son olaraq İrandakı səfirliyinə qarşı terror aktı baş verib. Biz həmişə deyirik ki, əziz Azərbaycan heç vaxt, heç bir yerdə tək deyil”, - deyə nazir vurğulayıb