Xalq artisti Bilal Əliyevin məclislərin birində meyxana deməsi maraqla qarşılanıb. Üstəlik müğənninin meyxananı mini ətəkdə yanında əyləşən gənc xanıma baxaraq deməsi isə müzakirələrə səbəb olub.
"Operativ Məlumat Mərkəzi-OMM" xəbər verir ki, Bilal Əliyev yayılan görüntülərlə bağlı açıqlama verib:
"Meyxana bizim folklorumuzdur. Əgər bunu bacarırsansa demək olar, niyə demirsən ki. Mən televiziyada da meyxana demişəm. Yanımda oturan xanım da məclisdə qonaq idi və onun o biri tərəfində də sevgilisi əyləşmişdi. Bir neçə əsər oxuyandan sonra ordakı meyxanaçılar meyxana dedilər və mən də onlara qoşuldum. Xanımın sevgilisi məndən xahiş etdi ki, ona da meyxana deyim. Çünki həmin gün o xanımın da ad günü idi".
B.Əliyev bir vaxtlar məşhur meyxana ustadları ilə toy məclislərinə getdiyini və meyxananı da onlardan öyrəndiyini deyib:
"Nizami Rəmziylə, Ağasəlim Çıldaqla çox məclislərinə getmişik. Meyxananı da bədahətən deməyi onlardan öyrənmişəm. Ona görə də məclislərdə yeri düşəndə meyxana da deyirəm".
