"Bayern" bu yay klubu tərk edəcək Coşua Kimmiçi əvəzləmək üçün prioritet hədəf kimi "Atletiko Madrid"in futbolçusu Pablo Barriosu ilə maraqlanır.
"Operativ Məlumat Mərkəzi-OMM" xarici KİV-ə istinadən xəbər verir ki, “Atletiko”nun gənc oyunçusu Almaniya klubunun rəhbərliyinin və məşqçi heyətinin ən çox bəyəndiyi futbolçulardan biridir.
21 yaşında Barrios Dieqo Simeonenin rəhbərliyi altında diqqətəlayiq irəliləyiş göstərib və vacib rotasiya oyunçusuna çevrilib.
Onun "Atletiko" ilə müqaviləsi 2028-ci ilə qədərdir.
Barrios bu mövsüm "Atletiko"nun heyətində bütün yarışlarda 28 matçda 2 məhsuldar ötürmə edib.
Nüfuzlu "Transfermarkt" portalı 21 yaşlı ispaniyalının dəyərini 50 milyon avro qiymətləndirir.
