Azərbaycanda hava proqnozları və xəbərdarlıqları yeni modellə hazırlanacaq

Finlandiya Meteorologiya İnstitunun ekspertləri ilə Azərbaycanın Milli Hidrometeorologiya Xidmətinin əməkdaşları arasında Twinninq layihəsi çərçivəsində görüş keçirilib.

"Operativ Məlumat Mərkəzi-OMM" xəbər verir ki, görüşdə xarici ekspertlər tərəfindən SMART MET və SMART MET ALERT modelinin tətbiqinə dair təqdimatlar edilib, bu modelin Azərbaycan üçün uyğunlaşdırılması və tətbiqi Xidmətin əməkdaşları ilə müzakirə olunub.

Eyni zamanda, Finlandiyada bu model vasitəsi ilə hava, daşqın proqnozlarının və xəbərdarlıqların hazırlanması üsulları Xidmətin əməkdaşlarına təqdim edilib.