Rusiyanın xarici işlər naziri Sergey Lavrov Avropa Komissiyasının sədri Ursula fon der Leyenin Bolqarıstana səfəri zamanı göyərtəsində olan təyyarəyə hücumla bağlı Aİ səlahiyyətlilərinin Rusiyaya qarşı ittihamlarını cəfəngiyyat adlandırıb.
"Operativ Məlumat Mərkəzi-OMM" xəbər verir ki, bununla bağlı TASS məlumat yayıb.
"Bax, yaxınlarda az qala Ursula fon der Lyayeni “öldürəcəkdik”. O, təyyarə və ya vertolyotla müxtəlif ölkələrə uçur, onları ölkəmizə qarşı qızışdırırdı. Birdən-birə belə bir bəyanat verdilər ki, guya Rusiya GPS sistemini söndürüb və nəticədə təyyarə və ya vertolyot qəzaya uğraya bilərdi. Sonra isə yeri gəlmişkən, Avropa İttifaqının nümayəndələri bu cəfəngiyatı təkzib etdilər", – Lavrov bildirib.
Lavrov Qərbin Rusiyaya qarşı yaydığı digər saxta məlumatların (feyklərin) də bir neçə nümunəsini təqdim edərək vurğulayıb ki, Avropa Komissiyasının sədri ilə bağlı hava nəqliyyatı məsələsində də eyni üsullardan istifadə olunub.
