Yazda tenderə çıxarılması gözlənilən ölkənin yenidən qurulması layihələrinin siyahısı Ukrayna tərəfindən Türkiyəyə göndərilib və iştirak üçün təqdim edilib.
"Operativ Məlumat Mərkəzi-OMM" xəbər verir ki, bu barədə Türkiyə qəzeti məlumat yayıb.
Bildirilir ki, Ukraynanın müvafiq qurumları tərəfindən tərtib edilən və Ukraynanın Türkiyədəki səfirliyi vasitəsilə ötürülən sözügedən siyahıda təcili həyata keçirilməsi nəzərdə tutulan və 2025-ci ildə həyata keçirilməsi nəzərdə tutulan layihələr yer alıb. Tenderlərin aprel-may aylarında keçirilməsi planlaşdırılır.
Qəzetin məlumatına görə, siyahıya enerji, enerji səmərəliliyi, sosial mənzil tikintisi və su təchizatı sistemləri sahəsində layihələr daxildir. Kiyevdə infrastruktur sahəsində ən böyük prioritet magistral yollardakı mövcud gömrük və yoxlama məntəqələrinin yenidən qurulması və ya yenilənməsi, yeni magistralların tikintisi və bütün ölkə ərazisində ödənişli yol sisteminin yaradılmasıdır.
