Almaniyada "Sol Partiya" 10 deputatın partiyadan istefa verməsindən sonra parlament qrupunu buraxacağını açıqlayıb.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Belə ki, ölkənin ifrat solçu siyasətçilərindən Sahra Vaqenknext də daxil olmaqla 10 millət vəkilinin istefası ilə "Sol Partiya" parlamentdə qrup yaratmaq üçün yetərli sayda deputatını itirib.
İstefaların ardınca parlament qrupu üçün lazım olan 37 deputat kvorumundan aşağı düşən Sol Partiya dekabrın 6-da qrupunun fəaliyyətini dayandıracağını açıqlayıb.
