Ağ Ev: "Yardım gözləyən qəzzalıların güllələnməsi ciddi hadisədir"

Ağ Ev İsrail tərəfindən humanitar yardım gözləyən Qəzzalı mülki vətəndaşların vurulmasının "ciddi hadisə" olduğunu və hücumun təfərrüatlarını araşdıracaqlarını açıqlayıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, Ağ Ev Milli Təhlükəsizlik Şurasının sözçüsü Qəzzada humanitar yardım gözləyərkən İsrail əsgərləri tərəfindən öldürülən mülki şəxslərlə bağlı suala yazılı cavab verib.

"Bu ciddi bir hadisədir və biz onun təfərrüatlarını araşdıracağıq. Günahsız insanların itkisinə görə kədərlənirik və günahsız fələstinlilərin sadəcə ailələrini dolandırmağa çalışdıqları Qəzzada təcili humanitar vəziyyətdən xəbərdarıq. Bu, vəziyyət Qəzzaya humanitar yardım, o cümlədən potensial müvəqqəti atəşkəs tələb edir", - deyə bəyanatda qeyd edilib.