Afət Ziyadqızı
ABŞ prezidenti Co Bayden administrasiyası və ABŞ kəşfiyyat rəsmiləri İsrailin Livana quru işğalı planlarından narahatdırlar.
"Operativ Məlumat Mərkəzi-OMM" xəbər verir ki, bu barədə CNN amerikalı məmurlara istinadən məlumat yayıb.
Telekanalın məlumatına görə, İsraildə hələlik yekun qərar verilməyib, lakin Bayden administrasiyası daxilində narahatlıq o qədər şiddətlidir ki, işğal ehtimalı administrasiya rəsmiləri üçün kəşfiyyat brifinqlərinin mövzusuna çevrilib.
CNN-in həmsöhbətlərindən birinin sözlərinə görə, rəsmilər İsrail hərbi əməliyyatının yaxın aylarda, bəlkə də gələn ilin yazında baş tutacağı ehtimalı ilə fəaliyyət göstərirlər. O qeyd edib ki, İsrailin hərbi əməliyyatı tamamilə mümkündür.
