İsrail ordusu Qəzza zolağına son 24 saatda 140-dan çox hava hücumu təşkil edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, Qəzzanı işğal etmək üçün quru hücumuna başlayan İsrail ordusu bölgəyə qarşı hava bombardmanlarını da artırıb.
Qəzza şəhəri ilə yanaşı Qəzza zolağının mərkəzi və cənub hissələrində də İsrail hücumları davam edir.
Digər tərəfdən, İsrail ordusunun verdiyi yazılı açıqlamada son 24 saatda Qəzza zolağına 140-dan çox hava hücumu təşkil edildiyi bildirilib.
İsrailin 7 oktyabr 2023-cü ildən bəri Qəzza zolağına təşkil etdiyi hücumlarda ən azı 65 min 502 fələstinli həyatını itirib, 167 min 376 nəfər isə yaralanıb.
