Zelenski Ukraynanın NATO-ya daxil olma imkanlarını müzakirə etmək üçün Polşaya səfər edəcək

Ukrayna prezidenti Vladimir Zelenski iyulun 9-dan 11-dək Vaşinqtonda keçiriləcək NATO sammitindən əvvəl Varşavaya səfər edəcək.

"Operativ Məlumat Mərkəzi-OMM" xəbər verir ki, bunu Polşa radiosuna Polşa xarici işlər nazirinin müavini Anjey Şeyna deyib.

“Baş nazir Donald Task Ukraynanın NATO-ya üzvlüyü ilə bağlı prezident Zelenski ilə görüşəcək. Bu məsələ çox güman ki, hələ həll olunmayacaq, lakin biz Ukraynanın alyansa daxil olması ilə bağlı yoldan dönmürük”, - o deyib.