Yeni Zelandiya Rusiya Federasiyasını Kimyəvi Silahlar Konvensiyasını pozmaqda ittiham edərək ona qarşı növbəti sanksiyalar paketi qəbul edib.
"Operativ Məlumat Mərkəzi-OMM" xəbər verir ki, müvafiq bəyanatla ölkənin Xarici İşlər Nazirliyinin rəhbəri Uinston Piters çıxış edib.
“Yeni məhdudiyyətlər Kimyəvi Silahların Qadağan edilməsi Təşkilatının Ukraynada Rusiya hərbçiləri tərəfindən gözyaşardıcı qazdan qeyri-qanuni istifadə edilməsi ilə bağlı son tapıntılarına cavabdır”, - deyə Peters qeyd edib.
Bundan əlavə, bəyanatda qeyd olunur ki, Yeni Zelandiya Rusiyaya qarşı sanksiyalar paketi ilə yanaşı, Rusiyaya ballistik raketlər və pilotsuz uçuş aparatlarının tədarükündə iştirak edən İran vətəndaşlarına məhdudiyyətlər qoyub.
