Xəzər rayonunda avtomobil 9 yaşlı uşağı vuraraq ağır xəsarət yetirib

Bakının Xəzər rayonunda piyadanın xəsarət alması ilə nəticələnən yol-nəqliyyat hadisəsi olub.

"Operativ Məlumat Mərkəzi-OMM"xəbər verir ki, 2014-cü il təvəllüdlü N.Hüseynli yolu keçərkən avtomobil onu vurub.

Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona qapalı kəllə-beyin travması diaqnozu qoyulub.

Fakt araşdırılır.