Elon Maskın çoxdan vəd etdiyi təhlükəsiz mesajlaşma sistemi nəhayət reallığa çevrilir.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
"X" platformasında klassik “DM” (birbaşa mesaj) sistemi “XChat” adlı yeni və şifrələnmiş mesajlaşma təcrübəsi ilə əvəz olunur.
"X" tətbiqi vasitəsilə əldə edilə bilən bu sistem, istifadəçilərin şəxsi məlumatlarının qorunmasına yönəlmiş qabaqcıl təhlükəsizlik tədbirləri ilə gəlir.
Maskın sözlərinə görə, "XChat" bu həftə tədricən müxtəlif bölgələrə yayılmağa başlayıb. Yeni sistem "Bitcoin"də istifadə edilənə bənzər "Rust" əsaslı texnologiyadan istifadə edərək şifrələməni təmin edir.
İstifadəçilər mesajları şifrəli şəkildə göndərə biləcək, oxunduqdan sonra yoxa çıxan mesajları paylaşa biləcək, istənilən növ faylı (mətn, şəkil, video və s.) köçürəcək, platformalar arasında səsli və video zənglər edə biləcək.
