Bəzi Rusiya Dövlət Duması deputatları, "WhatsApp"ın milli təhlükəsizliyi təhdid etdiyi səbəbilə qadağan edilməsini tələb ediblər.
"Operativ Məlumat Mərkəzi-OMM" xəbər verir ki, bununla bağlı Rusiya KİV məlumat yayıb.
Dumanın İnformasiya Siyasəti Komitəsi sədrinin birinci müavini Anton Gorelkin açıqlamasında "WhatsApp"ın “ekstremist təşkilat” kimi tanınan Meta şirkətinə məxsus olduğunu qeyd edib.
Gorelkin, buna görə də “WhatsApp"ın Rusiya bazarını tərk etməyə hazırlaşmasının vaxtı çatıb deyə şərh verib.
Komitənin digər üzvü Anton Nemkin isə açıqlamasında "WhatsApp"ın ölkədəki taleyinin artıq müəyyən olunduğunu deyərək belə bildirib: “Rusiyanın rəqəmsal məkanında belə bir xidmətin mövcudluğu milli təhlükəsizliyin pozulmasıdır. Buna görə də, dost olmayan ölkələrdən gələn və məhdudiyyətlərə tabe olan tətbiqlər siyahısına daxil edilməsi an məsələsidir.”
